Wiil aad u dhalin yar ayaa na soo gaadhsiiyey tix gabay ah oo uu la wadaagay saaxiibkii oo tahriibta dhaliilayey. Wuxuu sheegay, in aanu ahayn abwaan hal-abuure a, laakiin ay ku dhalatay in uu wax ka yiraahdo arrinta tahriibta. Abwaaanka da’da yari wuxuu qabbaa in aanay dhaliishu ahayn dhalinyarada. Bal hadda tolow yuu saaray eedaas.

Dhawaaqaan yaraynbaa

Dhegahayga daashaday

Dhaxaan maqlaayey

Curad reer u dhaanshoo

Dhaxamaha gobood li’I

Ka dhaqaaqay maxastii

Dhabaabacada beegsadoo

Ku tashadayna dhuyaal

Dhibna ay wadaagaan

Dhamaan habar dugaagiyo

Dhidarkiyo waraabaha

Dhimashadu u dheer tahay.

Weli maan dhaliilin,

Kuwa soo dhaqaaqoo

Dhayalsina igama aha

Dhumucdeeda xaajadu

Dhalintaasi may helin,

Ninkii iyaga dhiqi lahaa

Dhaymankiyo luulkiyo

Dheraad u qodi lahaa

Dheefbay ka waayeen

Dhulkii ay lahaayeen

Dhambaalkiyo weedhood

Dhegna looma jalaqsiin

Dharaar qudhana may arag

Dhacdo ay ku faanaan

Dhegta raaxo gelisoo

Dhaxal ay u qaataan.

Dhadhanshaa ku waashoo

Dhacar aan u haysane

Dhalaankii jidhkooday

Dhaqaalihii u hurayaan.

Dhaqashay u haystaan

Dhuunigay ku maamuli.

Dhaqso ayay u dooneen

Inay dhereg ku waaraan.

Dhaqaale aan yarayniyo

Dhalacsay ka qaadeen.

Dhacdo weeye murugo leh

Dhaawaceedu culus yahay.

Dhibtu ruuxay gubi lahayd,

Dhaxal reebi lahaa abid.

Dhadhan buu ka doorbiday

Dhibicsiga cashuuraha.

Dheereeyey weedhii

Dhigay erey ba jabadkii

Dhuda naaxi mooyee

Dhegta daali kuma wadin

Dherersina igama aha

Dheeligaan u jeedaa

Dhiiladaan maqlaayaa

Dhibanahaan ujeedaa

Dadku wada dhaliileen.

Dhiriqdaas la qaybshee

dhalankaasi may geyin

Dheegow ogsoonow

Dhan kalay ka durugtoo

Dhibtu innaga haysaa

Dhaawacu innaga yimi.

Abwaan
Axmed Xaaji Cilmi Aadan