Wasiirka Diinta iyo Awqaafta ee Jamhuuriyadda Somaliland sheikh Maxamuud Suufi Muxumad, ayaa caawa shaaca ka qaaday in berri ay tahay Maalinta ugu Horeysa ee bisha barakaysan ee Ramadaan . Wasiirka Diinta iyo Awqaaftu waxa uu ugu baaqay guud ahaan shacbiga Somaliland inay si fiican u gutaan waajibaadka bisha barakaysan ee Ramadaan laguna soo dhaweeyo Farxad iyo Rayn Rayn .

Dhanka kale Madaxweynaha Jamhuuriyadda Somaliland waxa uu dhambaal hambalyo ah u dirayaa guud ahaan shacbiga Islaamka ah, gaar ahaan shacbiga reer Somaliland dhalashada bisha barakaysan ee Ramadaan oo caawa inoo kawsatay awgeed .

Madaxweynaha Jamhuuriyadda Somaliland Mudane Daahir Rayaale Kaahin, waxa uu illaahay inooga baryayaa inuu inaga yeelo kuwii guta fadliga iyo xasanaadka bisha barakaysan ee Ramadaan ay Xambaarsan tahay, waxa uu Eebe ka baryay in sanadkan sanadkiisa inagu gaadhsiiyo bash bash iyo barwaaqo.

Wariye Mohamed Mussa inji
Hargeysa
Somaliland
email: